Football: Umutoza Zinedine Zidane yakoze andi mateka mu ikipe ya Real Madrid nyuma yo gutsinda umukino wa shampiyona

Kuri uyu wa gatandatu, Zinedine Zidane yatangaje ko yabonye itsinze ku nshuro ya 100 nk’umutoza mukuru wa Real Madrid muri shampiyona ya LaLiga Santander.

Zidane yageze ku ntambwe y’ikinyejana mu ikipe ya Real Madrid nyuma y’uko iyi kipe itsinze ibitego 3-2 ikipe ya Real Betis.

Uyu mutoza ufite ubwenegihugu bw’ubufaransa wakoze amateka nk’umukinnyi ndetse akora andi mateka nk’umutoza ukomeye kuko yahesheje ikipe ya Real Madrid inshuro eshatu zikurikiranya, wishimiye igikombe cya kabiri cya LaLiga ayoboye iyi kipe ya Real Madrid muri saison ishize, yageze ku ntsinzi mu mikino 147.

Zidane afite intsinzi ya kabiri muri shampiyona mu mateka ya Madrid, inyuma ya Miguel Munoz (257).

Ku nshuro ye ya kabiri i Santiago Bernabeu, Zidane intsinzi ye ya mbere yaje muri Mutarama 2016, iyi kipe ye ya Real Madrid yatsinze ibitego 342 mu gihe yatsinzwe 142 gusa.

Real Madrid yatsinze bwa mbere umukino wabo  muri ino shampiyona ya 2020-21, nyuma y’umukino yanganyijemo mu cyumweru gishize n’ikipe ya Real Sociedad.

Nyuma yuko Federico Valverde afunguye amazamu ku munota wa 14 igitego cya Real Madrid, Betis yahinduye umukino ihita iyobora umukino biyiha amahirwe yo kuyobora igice cya mbere ku bitego bibiri mu minota itatu binyuze kuri Aissa Mandi watsinze igitego cya mbere cya Betis k’umunota wa 35 naho William Carvalho yatsinze igitego cya kabiri cya Betis k’umutona wa 37 bituma bajya kuruhuka ari ibitego 2-1.

Emerson mbere yo guhabwa ikarita y’umutuku yitsinze igitego k’umunota wa 48 w’igice cya kabiri ntibyatinze kuko yaje guhabwa ikarita y’umutuku k’umunota wa 67 bituma ikipe ya Real Madrid ibona imbaraga zo gusatira izamu rya Real Betis.

Habura iminota umunani ngo iminota y’umukino irangire kapiteni wa Real Madrid Sergio Ramos yatsinze penaliti ku munota wa 82 bituma ikipe ye iyobora umukino ku bitego 3-2.

Leave a Reply

Your email address will not be published. Required fields are marked *