Football: Umukinnyi ukomeye wa manchester city bamusanzemo icyorezo cya coronavirus mbere y’umukino wa shampiyona

Umukinnyi wo hagati wa Manchester City Ilkay Gundogan bamusanzemo coronavirus nyuma yo kwipimisha. Iyi kipe yatangaje kuri uyu wa mbere ko umukinnyi mpuzamahanga w’Ubudage yasanzwemo iki cyorezo bigomba gutuma ashirwa mu kato .

Ubu yahawe iminsi 10 yo kwishyira mu kato kandi azabura mu mukino wa mbere wa Manchester City League iza gukina n’ikipe ya Wolves. Kuri uyu wa kane, Gundogan ntazaboneka mu mukino wa EFL Cup bazakinamo na Bournemouth ndetse no gukina n’ikipe ya Leicester City nyuma y’iminsi itatu gusa.

Uwahoze akinira Borussia Dortmund ashyizwe mu kato nyuma ya bagenzi be Riyad Mahrez na Aymeric Laporte nabo banduye iki cyorezo cya coronavirus.

Mahrez araza kuboneka mu mukino wa shampiyona aho ikipe ye ya Manchester city iza gukinamo n’ikipe ya wolves nyuma y’uburwayi bwe ariko Laporte wagarutse mu myitozo yo kuri uyu wa gatanu ushize we ntabwo aza kugaragara muri uno mukino.

Leave a Reply

Your email address will not be published. Required fields are marked *