Football: Ikipe ya Manchester city yaraye yihanangirijwe n’ikipe ya Leicester city iyitisinda ibitego 5-2

Jamie Vardy yongeye kwibasira ikipe ya Manchester City kuko yaraye atsinze ibitego bitatu (hat-trick) muri uno mukino wahuje Leicester city n’ikipe ya Manchester city, uno mukino waje kurangira Leicester City itsinze ibitego 5-2 kandi byatumye iyi kipe ya Manchester city hamwe n’umutoza wayo Pep Guardiola bibazwaho.

Uyu rutahizamu w’ikipe ya Leicester city yatsinze penaliti ebyiri dore ko igitego cya mbere yagitsinze k’umunota wa 37 nyuma y’iminota mike gusa ahita atsinda ikindi gitego k’umunota wa 54 hanyuma igitego cya gatatu yakinjije k’umunota wa 58.

Kuri iki cyumweru, Riyad Mahrez wahoze akinana na Jamie Vardy mu ikipe ya Leicester city niwe wafunguye amazamu hakiri kare k’umunota wa kane gusa, nyuma y’uko iyi kipe itsinze Manchester city byayihaye amahirwe yo kuyobora urutonde rw’agateganyo muri English Premier League aho ifite amanota 9.

Ikipe ya Manchester city yakomeje gushakisha ibitego maze umukinnyi mushya muri iyi kipe Nathan Ake yatsinze igitego cya kabiri k’umunota wa 84, ariko byabaye ubusa kuko abakinnyi ba Leicester babonye amahirwe batsinda igitego cya gatanu, nyuma y’uko k’umunota wa 77 James Maddison yari yatsinze igitego cya kane, uyu mukino waje kubonekamo penaliti eshatu, ebyiri zinjijwe na Jamie Vardy indi yinjizwa na Youri Tielemans.

Byasobanuraga ko Pep Guardiola uyu mu mukino we wa 686 nk’umutoza, yatewe isoni zo kubona imwe mu makipe ye yatsinzwe ibitego bitanu ku nshuro ya mbere.

Nyuma y’uko iyi kipe ya Manchester city itsinzwe uyu mukino byatumye iyi kipe irara ku mwanya wa 13 k’urutonde rw’agateganyo rwa English Premier League.

Ikipe ya Manchester city nyuma yo kubura ba rutahizamu bayo Sergio Aguero na Gabriel Jesus bavunitse byerekanye ko  Raheem Sterling ntakintu yafashije iyi kipe, bituma Pep Guardiola yinjiza mu kibuga Liam Delap w’imyaka 17 y’amavuko asimbura Fernandinho k’umunota wa 51 w’igice cya kabiri.

Ibi byatumye umutoza wa Manchester city agaruka ku cyatumye adahatanira igikombe cyatwawe n’ikipe ya Liverpool ari uko yabuze rutahizamu ukomeye nka Jamie Vardy .

Mahrez yatsinze igitego gitangaje nyuma y’iminota itatu mu imfuruka yo hejuru ibumoso agitsindishije ikirenge cy’iburyo.

Rodri yahise atsinda igitego ariko basanga yaraririye (offside). Ariko hashize akanya gato ku munota wa 37, Leicester  yahise itsinda igitego cyo kunganya igitego 1-1, nyuma y’uko Vardy yakoreweho ikosa na Kyle Walker, maze uwahoze ari umukinnyi w’imbere mu ikipe y’igihugu cy’ubwongereza atsinda igitego cyo kunganya cya penaliti.

Uyu rutahizamu wa Leicester yakoreweho irindi kosa ryaje kubyara penalti ya kabiri nyuma y’uko Eric Garcia akoreye ikosa Jamie Vardy atsindira ikipe ye igitego.

Kuri uyu wa gatatu, Manchester City izajya gukina n’ikipe ya Burnley mu mikino ya carabao cup n’umukino uzatangira ku isaha ya saa mbiri z’ijoro ku isaha yahano mu Rwanda.

Leave a Reply

Your email address will not be published. Required fields are marked *