Football: Ikipe ya Juventus yatangaje ko itagikeneye rutahizamu wa FC Barcelona

Umuyobozi wa siporo muri Juventus, Fabio Paratici, yemeje ko Luis Suarez ukinira ikipe ya Barcelona atazinjira muri iyi kipe yatwaye igikombe giheruka cya Serie A, mu gihe ashimangira ko iyi kipe itareba gusa rutahizamu  Edin Dzeko.

Bivugwa ko ashobora kuva muri Barca, uyu umukinnyi Suarez bivugwako ashobora kujya gufatanya na Cristiano Ronaldo nyuma yuko Gonzalo Higuain agiye mu ikipe ya Inter Miami ya David Beckham muri MLS.

Paratici yemeje ko mbere yo gutangira shampiyona kuri iki cyumweru aho baje kwitwara neza mu mukino wo gufungura shampiyona batsinda Sampdoria ibitego 3-0, Paratici yemeje ko gutinda kubona pasiporo y’Ubutaliyani ku mukinnyi mpuzamahanga wa Uruguay w’imyaka 33 y’amavuko byateje ikibazo .

Paratici yagize ati: “Suarez ashobora kuvanwa kuri urwo rutonde, kubera ko igihe bifata kugira ngo ubone pasiporo ari kirekire kuruta igihe ntarengwa cy’isoko ry’igura n’igurisha cyangwa umwanya dushobora gutanga ku rutonde rwa Champions League”. .

“Twasuzumye amahitamo ya Suarez igihe twasabwaga. Yari mu nzira yo kubona ubwenegihugu bw’Ubutaliyani, bityo twasuzumye bishoboka ko twamwandikisha mu gihe gikwiye.

“Ntibishoboka, ku buryo atigeze aba hafi rwose.”

Mu gihe Suarez atari ku rutonde, Juve iyobowe n’umutoza mukuru Andrea Pirlo ikomeje kwifuza Dzeko wa Roma.

Bivugwa ko Dzeko kuba yakwerekeza  muri Juve ngo bifitanye isano n’uko ikipe ya Roma yasinyishije umukinnyi wa Napoli Arkadiusz Milik nk’umusimbura wa Dzeko.

Mu gihe atazi neza ejo hazaza he  Dzeko yinjoye mu kibuga asimbuye mu mukino wa Roma na Hellas Verona ku wa gatandatu.

Paratici yagize ati: “Reka tuvuge ko nta kibazo cya Dzeko gihari, ni ibintu bya rutahizamu, kubera ko Juventus ikeneye umukinnyi wo hagati.” “Twese tuzi icyo dushaka kandi turimo gukora kuri ibyo dutuje, hari iminsi 15 yo kujya mu isoko ry’igura n’igurisha kandi ntabwo twihuta.

“Hariho ibindi bihe, atari Dzeko gusa. Tuzi icyo dushaka. Turimo gushaka rutahizamu ushobora gukina  na Cristiano Ronaldo na Paulo Dybala.

“Kuri ubu, turashaka rutahizamu umwe, dufite intego zacu kandi tuzagerageza kubakurikirana dutuje, tutitaye ku mazina.”

One thought on “Football: Ikipe ya Juventus yatangaje ko itagikeneye rutahizamu wa FC Barcelona

Leave a Reply

Your email address will not be published. Required fields are marked *